Azərbaycan yığmasının üzvü Emin Mahmudovun Portuqaliyanı tərk etdiyini xəbər vermişdik. Ötən ilin yayında "Boavişta"ya keçən yarımmüdafiəçinin müqaviləsinə qarşılıqlı xitam verilmişdi. Sportfm.az saytına verilən məlumata görə, yığmamızın üzvü uzun illər çıxış etdiyi Rusiya çempionatına geri dönür. Belə ki, vaxtilə "Spartak"(Moskva), "Krılya Sovetov", "Saturn", "Tom" və "Mordoviya" kimi klubların şərəfini qoruyan 25 yaşlı futbolçunun xidmətində bu il Rusiya Premyer Liqasına vəsiqə qazanan "SKA-Xabarovsk" komandası maraqlıdır. Xabarovsk təmsilçisi Mahmudovla birillik müqavilə imzalamaq istəyindədir. 

Qeyd edək ki, hazırda "SKA-Xabarovsk" 7 oyundan sonra cəmi 5 xal toplayaraq turnir cədvəlində 15-ci pillədə qərarlaşıb. 

© Materiallardan istifadə edərkən istinad olunmalıdır

Oxşar xəbərlər

Azərbaycanlı futbolçu üçün Rusiyada 57 dəqiqə

"Riad Rəfiyevə dedim ki, Avropada klub tap, millidə oynayım" - Emin Mahmudov

Emin Mahmudov "Neftçi"də

Emin Mahmudov "Neftçi"də?

Emin Mahmudov klubsuz qaldı