Futbol üzrə Rusiya Milli Futbol Liqasında (Premyer Liqadan sonrakı ən güclü liqa) 32-ci turun oyunları keçirilib.

Sportfm.az xəbər verir ki, azərbaycanlı hücumçu Kamran Əliyevin komandası “SKA-Xabarovsk” da növbəti matçına çıxıb.

Sözügedən kollektiv səfərdə “Volqar Astraxan” ilə qarşılaşıb. Azərbaycanlı futbolçunun komandası bu oyundan heç-heçə ilə ayrılıb – 1:1.

Kamran da bu görüşün iştirakçısı olub. O, start heyətdə meydana çıxıb və 57-ci dəqiqədə əvəzlənib.

“SKA-Xabarovsk”da vaxtilə Azərbaycanın aşağı yaş qrupları üzrə yığmalarında oynamış David Qarayev də forma geyinir. O, bu görüşdə məhz Kamranı əvəz edib.

“SKA-Xabarovsk” 32 turdan sonra 53 xalla 20 kollektiv arasında 5-ci pillədə qərarlaşıb.

Oxşar xəbərlər

Emil bu dəfə 45 dəqiqə oynadı

Quliyevdən uğursuz debüt

Əliyevin komandası 3-cü pilləyə yüksəldi - Milli Futbol Liqası

Namik oynadı, komandası xal itirdi - Türkiyə 1-ci liqası

Kamran Əliyevin komandası 3 qol buraxdı