AFFA baş katibinin müavini, UEFA-nın Klubların Lisenziyalaşdırılması Komitəsinin üzvü Elçin Məmmədov və digər nümayəndələr noyabrın 4-5-də Çexiyanın paytaxtı Praqada UEFA Klub Lisenziyalaşdırılması və Maliyyə Davamlılığı üzrə illik konfransda iştirak ediblər.

Sportfm.az xəbər verir ki, bu barədə AFFA-dan məlumat verilib.

Konfransda Avropa klublarının futbol mənzərəsi, klub lisenziyalaşdırılması sahəsində yeniliklər, maliyyə davamlılığı, idarəetmə, uyğunluq və risklərin idarə edilməsi, eləcə də maliyyə sahəsində süni intellektin tətbiqi kimi mövzular müzakirə olunub.

Həmçinin, qadın futbolunda davamlı yarışların təşkili və inkişafı, Avropa ölkələrinin klub lisenziyalaşdırılması təcrübəsi və Çexiya futbolunda bu sahənin 30 illik inkişaf yolu barədə təqdimatlar keçirilib.

Oxşar xəbərlər

AFFA nümayəndələri UEFA-nın seminarında

AFFA rəsmiləri UEFA-nın Konfransında

Federasiya rəsmisi İsveçrəyə yollandı

AFFA-nın əməkdaşları UEFA konfransında iştirak etdi

AFFA-nın əməkdaşları UEFA-nın seminarında