Azərbaycanın 2 yunan-Roma güləşçisi İtaliyanın paytaxtı Romada keçirilən U-17 dünya çempionatında finala yüksəlib.

Sportfm.az xəbər verir ki, 55 kiloqram çəki dərəcəsində yer alan Fəraim Mustafayev yarımfinalda türkiyəli Halil Çinarı 11:0, 80 kq--dakı İsmayıl Rzayev isə iranlı Seyid Azərşabı 9:0 hesabı ilə yenərək finala vəsiqə qazanıblar. 

Fəraim həlledici görüşdə hindistanlı Suraj Suraj ilə, İsmayıl türkiyəli Alperen Berber ilə üz-üzə gələcək.

Yarımfinaldakı digər təmsilçilərimiz - Səid Xəlilov (48 kq), Əli Əlizadə (65 kq) və Məzaim Mərdanov (130 kq) müvafiq olaraq Hindistan, İran və Türkiyədən olan rəqiblərinə uduzublar. "Klassiklər"imiz sabah bürünc medal uğrunda mübarizə aparacaqlar.

Bu çəkilər üzrə medal görüşləri sabah Bakı vaxtı ilə saat 20:00-da başlayacaq.

Oxşar xəbərlər

Azərbaycanın daha 2 güləşçisi finalda - Dünya çempionatı

Bir güləşçimiz finalda, digəri uduzdu - Dünya çempionatı

Güləşçimiz erməni ilə görüşə bilər - Dünya Çempionatı

Güləşçimiz ermənini udub Avropa çempionu oldu - UĞUR

Romada yunan-Roma güləşçimiz finalda