Azərbaycan təmsilçisi Nərmin Abdinova Yunanıstanın Hersonissos şəhərində keçirilən 8-18 yaşlı şahmatçılar arasında Avropa çempionatında qızıl medal qazanıb.

Sportfm.az xəbər verir ki, Bu barədə Azərbaycan Şahmat Federasiyasından məlumat verilib.

18 yaşadək qızların mübarizəsində çıxış edən şahmatçımız VIII turda Polşa təmsilçisi Klara Şçotkanı məğlub edərək ardıcıl səkkizinci qələbəsini qazanıb. Bununla da bütün görüşlərini qalibiyyətlə başa vuran Nərmin Abdinova son turun nəticəsindən asılı olmayaraq Avropa çempionluğunu təmin edib.

Qeyd edək ki, Azərbaycanın U-18 yaş qrupu üzrə qızlar arasında Avropa çempionatında əvvəlki qızıl medalı 2014-cü ildə Batumidə Ülviyyə Fətəliyeva qazanıb.

Avropa çempionatına noyabrın 12-də yekun vurulacaq.

Oxşar xəbərlər

Ölkəmiz 60 min avroluq yarışda 12 şahmatçı ilə təmsil olunacaq

Şahmatçılarımız dünya çempionatına qələbə ilə başladı

Qızıl medal qazanan ilk azərbaycanlı qadın Bakıya gəldi

Ölkəmizi Avropa çempionatında təmsil edəcək şahmatçılar - SİYAHI

13 yaşlı Nərmindən qızıl medal - Uğur