İtaliyanın Ankona şəhərində keçirilən aerobika gimnastikası üzrə 10-cu Avropa çempionatında iştirak edən Azərbaycan milli komandası ilk dəfə üç proqramda təmsil olunub.

Sportfm.az xəbər verir ki, təmsilçilərimiz hər üç kateqoriya üzrə finala yüksəlməyi bacarıblar.

Final mərhələsində fərdi proqramda ölkəmizi Vladimir Dolmatov təmsil edib. Gimnastımız 20,950 xalla yeddinci pillədə qərarlaşıb.

Komanda yarışında ölkəmizi V.Dolmatov ilə yanaşı, Elçin Məmmədov və Emil Quliyev təmsil ediblər. Komandamız bu proqramda 20,350 xalla səkkizinci yeri tutub.

Yığmamızın ən yaddaqalan çıxışı “Aero Dance” proqramı üzrə yerinə yetirilən kompozisiyada alınıb. Kompozisiyanı Nərminə Hüseynova, Elçin Məmmədov, Ruslan Eyvazov, Nigar Həsənova, Aliyə Paşayeva, Zeynəb Hümmətova, Akif Kərimli və Nigar İbrahimbəyli təqdim ediblər. Milli musiqimizin ritmləri üzərində qurulan elementləri uğurla yerinə yetirən gimnastlarımızın çıxışı beşinci yerə layiq görülüb.

Oxşar xəbərlər

Azərbaycan gimnastları 3 növdə final - Dünya çempionatı

Bu gün gimnastlarımız 4 növdə çıxış edəcək - Dünya çempionatı

Bakıda dünya çempionatı başlayır - Aerobika gimnastikası

Aerobika gimnastikası üzrə 11-ci Avropa çempionatının final mərhələsi start götürdü - FOTO

Yığmamız Avropa Çempionatında finala çıxdı - BÖYÜK UĞUR