Azərbaycanın 16 yaşadək oğlan və qız voleybolçulardan ibarət milliləri Avropa çempionatının (EEVZA – Şərqi Avropa Voleybol Zonal Assosiasiyası çempionatı) 1-ci təsnifat mərhələsində mübarizə aparacaqlar.

Sportfm.az xəbər verir ki, bu barədə Azərbaycan Voleybol Federasiyasının mətbuat xidmətindən bildirilib.

Oğlanlardan ibarət U-16 millisi Latviyanın paytaxtı Riqada mübarizə aparacaq. B qrupunda yer alan komanda Latviya və Finlandiya yığmaları ilə qarşılaşacaq. A qrupunda isə Polşa, Estoniya və Ukrayna komandaları çıxış edəcəklər.

Qızlar isə Estoniyanın Kaariku şəhərində mübarizə aparacaqlar. B qrupunda yer alan millinin rəqibləri Estoniya, Litva və Ukrayna komandaları olacaq. A qrupunda isə Polşa, Gürcüstan və Finlandiya komandaları çıxış edəcəklər.

Reqlamentə əsasən, qruplarda ilk üç yeri tutan komandalar yekun sıralama uğrunda mübarizə aparacaqlar. Qrup qalibləri (A1 – B1) finalda turnirin çempionunu müəyyənləşdirəcəklər. İkinci və üçüncü yerləri tutan komandalar isə müvafiq olaraq A2 – B2 və A3 – B3 qarşılaşmalarında üz-üzə gələcəklər.

A1 – B1 görüşünün qalibi 2027-ci ildə keçiriləcək Avropa çempionatının final mərhələsinə vəsiqə qazanacaq.

Oğlanlar

19 noyabr

18:00. Latviya – Azərbaycan

20 noyabr

18:00. Azərbaycan – Finlandiya

Qızlar

19 noyabr

19:00. Estoniya – Azərbaycan

20 noyabr

16:00. Azərbaycan – Ukrayna

21 noyabr

19:00. Litva – Azərbaycan

Yarışlar noyabrın 19-22-də keçiriləcək. Oyunların başlama saatları yerli vaxtla göstərilib.

Oxşar xəbərlər

Millimiz EEVZA çempionatına Qubada hazırlaşır

Millimiz 1-ci təsnifat mərhələsində iştirak edəcək - Avropa çempionatı

Azərbaycan millisi təsnifat turnirində mübarizə aparacaq - AVRO-2026

Yığmamız Ermənistanla eyni yarışda iştirak edəcək

Daha bir millimiz EEVZA-nın çempionatına qatılacaq