Azərbaycan qılıncoynadanı Kənan Əliyev fevralın 24-də İsrailin Aşkelon şəhərində keçirilən “Satellite” turnirində iştirak edib.

Sportfm.az xəbər verir ki, qrup mərhələsində keçirdiyi 6 görüşdən 5-də qalib gələn K.Əliyev uğurlu çıxışını sonrakı mərhələlərdə də davam etdirib. Qılıncoynatmanın şpaqa növündə yarışan idmançımız 1/16 və 1/8 final mərhələlərində israilli rəqiblərinə qalib gələrək ən güclü səkkizliyə yüksəlib. Bu mərhələdə də şpaqaçımızın rəqibi İsrail təmsilçisi olub. K.Əliyev 1/4 finalda Lev Averbuça məğlub olaraq turniri 6-cı yerdə başa vurub.

Qeyd edək ki, yarışda 6 ölkədən 47 şpaqaçı mübarizə aparıb.

Oxşar xəbərlər

Qılıncoynadanlarımız beynəlxalq turnirdə iştirak etdilər - FOTO

İdmançımız dünya birinciliyində bürünc medal qazandı - FOTO

Yeniyetmə şpaqaçılarımız Rusiyada ikinci oldular

İdmançımız Avropa çempionatında 25-ci yeri tutdu

İdmançımız dünya kubokuna Kiyevdə hazırlaşacaq