Şpaqaçımız Ruslan Həsənov Polşanın Torun şəhərində keçirilən yeniyetmə və gənclər arasında dünya birinciliyində bürünc medal qazanıb.

Sportfm.az xəbər verir ki, qrup mərhələsində keçirdiyi altı görüşü qələbə ilə başa vuran Ruslan Həsənov mütləq nəticə ilə pley-offa yüksəlib. O, 1/64 final məhələsində yunanıstanlı Dimitrios Markisə 15:6 hesabı ilə qalib gəlib. İdmançımız növbəti mərhələdə rumıniyalı Adam Maskanı (15:10), onaltıdabir finalda Hollandiya təmsilçisi Rendi Postmanı mübarizədən kənarlaşdırıb (15:8). R.Həsənov səkkizdəbir finalda israilli Stanislav Qalperə (15:13), dörddəbir finalda macarıstanlı David Naqiyə (15:11) qalib gəlib. Bu qələbə sayəsində dünya birinciliyinin yarımfinalına yüksələn Ruslan Həsənov Azərbaycanın müstəqillik tariximizdə ilk dəfə gənclər arasında dünya birinciliyində mükafatçılar sırasında yer almağı bacarıb. Şpaqaçımız yarımfinalda fransalı Artur Filippə 7:15 hesabı ilə uduzub.

Digər şpaqaçılarımızdan qrupda keçirdiyi 6 görüşün 4-də qələbə qazanan Xalid Əliyev pley-offda çinli Xuedonq Vanqa 10:15 hesabı ilə məğlub olub. Qrup mərhələsində 6 görüşdən 2-də qalib gələn Barat Quliyev isə pley-offda Küveyt idmançısı Əli Əlfadhliyə 13:15 hesabı ilə uduzub. Murad Əliyev isə yeniyetmə sablyaçıların yarışında qrup mərhəsində keçirdiyi 6 görüşdən 1-də qələbə qazandığı üçün çıxışını erkən başa vurub.

Oxşar xəbərlər

İdmançılarımız Avropa çempionatında medalsız qaldı

İdmançılarımız Dünya Çempionatında

İdmançımızdan tarixi uğur - Bürünc medal

Qılıncoynadanlarımız beynəlxalq turnirdə iştirak etdilər - FOTO

Azərbaycan komandasından Dünya Kubokunda uğursuz çıxış