"Qarabağ" qışda heyətini gücləndirə bilər.

Sportfm.az xəbər verir ki, məlumatı "Sportitalia.it" portalının əməkdaşı Lorentso Lepore yayıb. İnformasiyaya görə, Ağdam təmsilçisi əlcəzairli Mohamed Belkeyrlə maraqlanır. 25 yaşlı hücumçu hazırda icarə əsasında Belçikanın "La Luvier" klubunda çıxış edir. Bu mövsüm II Liqada 14 matçda meydana çıxıb. Bu görüşlərdə 9 qol vurub, 1 məhsuldar ötürmə edib.

Qeyd edək ki, Mohamed müqavilə ilə Niderlandın "Fortuna Sittard" klubuna məxsusdur. Hücumçu ilə təkcə "Qarabağ" maraqlanmır. Forvard Türkiyənin "Sivasspor", "Antalyaspor", Belçikanın isə "Sent Truiden" kollektivlərinin hədəfindədir.

Maraq üçün bildirək ki, Mohamed İtaliyanın "Verona" klubunun yetirməsidir. O, 2016-2018-ci illər aralığında "İnter"in U-19 komandasında çıxış edib.

Oxşar xəbərlər

Musa Qurbanlı “Qarabağ”da - RƏSMİ

Özbək hücumçu İtaliya klubunda

“Qarabağ” yeni transferini açıqladı - RƏSMİ

Daniel Subotiç yenidən "Qəbələ"də

Gəncə klubu heyətini hücumçu ilə gücləndirə bilər