Xankəndi şəhəri istiqamətində avtoqəzaya düşən Peşəkar Futbol Liqasının əməkdaşlarının son durumu açıqlanıb.

Sportfm.az xəbər verir ki, bu barədə "Liv Bona Dea Hospital”ın İctimaiyyətlə əlaqələr şöbəsinin müdiri Samir Orucov məlumat verib.

Onun sözlərinə görə, Peşəkar Futbol Liqasının (PFL) prezidenti Elxan Səmədov və qurumun vitse-prezidenti Aslan Şahgəldiyev əməliyat olunduqdan sonra klinikanın reanimasiya şöbəsinə yerləşdiriliblər:

"Digər 4 xəstənin vəziyyəti isə stabil olaraq qiymətləndirilir. Hazırda onların hər birinin müalicəsi xəstəxanada davam etdirilir".

Qeyd edək ki, dekabrın 16-da Ağdam rayonu, Birinci Dördyol qəsəbəsində “Mercedes” markalı mikroavtobusun yol kənarındakı maneəyə çırpılması nəticəsində 6 nəfər - PFL-in prezidenti Elxan Səmədov, PFL-in vitse-prezidenti Aslan Şahgəldiyev, PFL-in icraçı direktor Zaur Hacıməhərrəmov, PFL-in texniki-idman direktoru Elgiz Abbasov, PFL-in media və marketinq direktoru Sənan Abdullayev və sürücü Rasim Qafarlı xəsarət alıblar.

Oxşar xəbərlər

PFL prezidentinin son durumu məlum oldu - AÇIQLAMA

PFL prezidentinin son durumu məlum oldu

PFL prezidenti üçüncü dəfə əməliyyat olunacaq

PFL-in iki əməkdaşı xəstəxanadan buraxıldı

PFL rəhbərliyi yol qəzasına düşdü