AFFA-nın və Tovuz Rayon İcra Hakimiyyətinin birgə təşkilatçılığı ilə rayonun kəndlərində “Kəndlərdə idmanı inkişaf etdirək” layihəsi üzrə növbəti tədbir keçirilib.

Sportfm.az xəbər verir ki, bu layihə Prezident İlham Əliyevin 2019-cu il dekabrın 29-da Milli Olimpiya Komitəsində idmançılarla görüşü zamanı kəndlərdə idmanın inkişafına dair verdiyi tövsiyələrin yerinə yetirilməsi istiqamətində atılmış addımdır. 

Layihə çərçivəsində rayonun cəbhə bölgəsində yerləşən Əlibəyli, Ağdam, Vahidli, Dondar Quşçu, Bayramlı və Əsrik kəndlərində 50 məktəbli uşağa futbola marağın artırılması məqsədilə idman geyimləri və futbol topları verilib.

Tədbirdə AFFA-nın vitse-prezidenti, Azərbaycan Uşaq və Gənclər Futbol Federasiyasının prezidenti, Milli Məclisin deputatı Rauf Əliyev, millət vəkilləri Qənirə Paşayeva, Arzu Nağıyev, Tamam Cəfərova, Sabir Hacıyev və digər rəsmi şəxslər iştirak edib.

Oxşar xəbərlər

AƏFM layihəsi Tovuzda - FOTO

AƏFM layihəsi Sabirabadda - FOTO

“Açıq Əyləncəli Futbol Məktəbi” Saatlıda - FOTO

"Açıq Əyləncəli Futbol Məktəbi” layihəsi baş tutdu - FOTO

Göyçayda futbol festivalı keçirildi - FOTO