"Mançester Yunayted" PSG-nin futbolçusu Marko Verratti ilə maraqlanır. Goal.az "Corriere dello Sport"a istinadən xəbər verir ki, "qırmızı şeytanlar" ona görə 100 milyon avrodan keçməyə hazırdır. "Manikunianlar" 23 yaşlı yarımmüdafiçiyə illik 8.5 milyon avro məvacib verməyə də razıdır. Verrattinin Paris klubuyla müqaviləsi 2020-ci ildə başa çatacaq.

Hazırda zədəsini sağaltmaqla məşğul olan italyan havbek AVRO-2016-nı evdən izləyir. O, mayın 16-da qasıq nahiyəsindən əməliyyat olunub. Daha öncə PSG-nin prezidenti Naser Əl-Xəlaifi onun karyerasını PSG-də başa vurmaq istədiyini qeyd etmişdi.