Rusiya Dövlət Dumasında "Ədalətli Rusiya" fraksiyasının sədr müavini Oleq Nilov Pauerliftinq üzrə dünya və Avropa çempionu Andrey Draçyovun qətli haqqında işin şəxsi nəzarətə götürülməsi xahişi ilə Rusiyanın baş prokuroru Yuri Çaykaya müraciət edib.

Sportfm.az xəbər verir ki, Oleq Nilov bildirib ki, davanın iştirakçılarından biri döyüş bacarıqlarına malik idi və bu vəziyyəti qəsdən öldürmə kimi xarakterizə etmək olar. Deputat, həmçinin şüursuz vəziyyətdə olan Draçyovun başına zərbələrin vurulmasına diqqət çəkib.

Xatırladaq ki, avqustun 20-də səhər Andrey Draçyov Xabarovskda kafenin qarşısında bir nəfərlə dalaşan zaman başından aldığı zərbə nəticəsində xəstəxanada ölüb. Rusiya KİV-inin yazdığına görə, A. Draçyovu öldürən şəxs Amur sakini olan, 1992-ci il təvəllüdlü Allahverənov Anar Əliyar oğludur.

Andrey Draçyovun qətlində şübhəli bilinən şəxs hazırda Uzaq Şərq federal dairəsinin bütün regionlarında polis tərəfindən axtarılır. Rusiya Daxili İşlər Nazirliyinin Xabarovsk üzrə idarəsinin KİV-lə əlaqələr üzrə mütəxəssisi Kiril Blinovun dünən verdiyi məlumata görə, hüquq-mühafizə orqanlarının əməkdaşları Uzaq Şərqin bütün nəqliyyat qovşaqlarına diqqətlə nəzarət edirlər. Qatili ağır cinayətlərin açılması üzrə ixtisaslaşan təcrübəli tədqiqatçıların komandası axtarır./Publika.az

Oxşar xəbərlər

Dünya çempionunu öldürməkdə ittiham edilən azərbaycanlıya ağır hökm! - 19 il azadlıqdan məhrum edilə bilər

Dünya çempionunun qətlində təqsirli bilinən azərbaycanlının atası faciəvi şəkildə öldü

Dünya çempionunu ölderən azərbaycanlı nə qədər cəza alacaq? - Məhkəmə davam edir

Dünya çempionunu öldürən azərbaycanlı təslim oldu

Dünya çempionunu öldürən azərbaycanlı beynəlxalq axtarışa verildi