Futbol üzrə Azərbaycan milli komandasının baş məşqçisi Canni De Byazi AÇ-2024-ün seçmə mərhələsi çərçivəsində Avstriya yığmasına qarşı keçiriləcək oyundan öncə fikirlərini bölüşüb.

Sportfm.az xəbər verir ki, italyan mütəxəssis bu gün baş tutan mətbuat konfransında bunları söyləyib:

“Ağır oyundan, uzun səfərdən gəlmişik. Bu gün ilk məşqimizi edəcəyik. Dünən ancaq bərpa məşqi etmişik. Sabahkı oyun çox çətin olacaq. Avstriya çox yaxşı komandadır. Bizimlə keçirdikləri ilk oyunla müqayisədə çox inkişaf ediblər, modern futbol oynayırlar. Ralf Ranqnik yaxşı futbol oynadır. Onların Belçika matçındakı nəticəsi aldadıcı ola bilər. Avstriya Belçikadan daha yaxşı oynadı.
İlk matçda da fikirləşirdim ki, nəticə fərqli olacaq. Amma 1:4 uduzduq. 0:2-dən sonra lazımsız səhvlərə yol verdik, rəqibin işi asanlaşdı. Komanda kimi inkişaf edirik, 14 matçda 7 qələbə qazanmışıq. Sabah da yaxşı nəticə qazanmağa çalışacağıq. Avstriyanın heyətində 5 futbolçu yoxdur, amma vacib oyunçuları var.

Sabah azarkeşlər gəlib, bizə kömək etsələr, 12 nəfərlə oynayacağıq. Gəlməsələr, 11 nəfər olacağıq. Stadionda azarkeş çox olanda, dəstək veriləndə gözəldir. Çalışacağıq ki, yaxşı nəticə qazanaq”.

Oxşar xəbərlər

"Özümüzü ən yaxşı tərəfdən göstərməyə çalışacağıq" - Qurban Qurbanov

“Azərbaycanı zəif rəqib deyil" - Ralf Ranqnik

"İordaniya yaxşı komandadır" - De Byazi

"Bizim B planımız var" - Canni De Byazi

Qurban Qurbanov: "Rəqibin daha istəkli olacağını düşünürəm"