Avstriya millisinin baş məşqçisi Ralf Ranqnik Azərbaycan yığmasına qarşı keçiriləcək AÇ-2024-ün seçmə mərhələ oyunu ərəfəsində mətbuat konfransında iştirak edib.
Sportfm.az xəbər verir ki, Almaniyalı mütəxəssis qrupu birinci pillədə başa vurmaq arzusunda olduqlarını bildirib:

“İntensiv məşq edirik, matça hazırlaşırıq. Məqsədimiz qrupda birinci yeri tutmaqdır. Futbolçular iki gün əvvəl oyun keçirsələr də, komandada ab-hava yaxşıdır. Çətin təqvimimiz var. Lakin buna hazırıq”.

O, Azərbaycan yığması barədə müsbət fikirlər səsləndirib:

“Rəqibimiz son vaxtlar yaxşı oyun nümayiş etdirən komandadır. Bakıdakı görüşdə qalib gələ və ya məğlub ola bilərik. Keyfiyyətli oyunçuları var. Biz Azərbaycanı zəif rəqib hesab etmirik. Bununla belə, qələbə qazanmaq üçün əlimizdən gələni edəcəyik”.

Oktyabrın 16-da Tofiq Bəhramov adına Respublika stadionunda keçiriləcək Azərbaycan – Avstriya oyunu saat 20:00-da start götürəcək.

Oxşar xəbərlər

"Durumu xeyrimizə dəyişməyə çalışacağıq" - Artur Jorje

"Ürəyimizi ortaya qoyuruq" - Canni De Byazi

"Sabahkı oyun çox çətin olacaq" - De Byazi

"Azərbaycanı məğlub etmək üçün ən yaxşı formada çıxış etməliyik" - Ranqnik

"Bakıda 3 xal almaq bizim üçün qrupdakı impulsu qorumaq baxımından önəmlidir".