Bakıda keçirilən atıcılıq üzrə “Dünya Kuboku 2023”ün növbəti mükafatçıları məlum olub.

Sportfm.az xəbər verir ki, bu gün keçirilən qarışıq komandalar arasında 10 metr məsafəyə pnevmatik tüfəngdən atış yarışlarında qaliblərin adlarına aydınlıq gəlib.

Təsnifat mərhələsini uğurla başa vuran 4 komanda mükafatlar uğrunda mübarizəyə qoşulub.

Əvvəlcə 3-cü və 4-cü yerin sahibləri – Macarıstan və Çexiya komandaları bürünc medalın taleyinə aydınlıq gətiriblər. Aneta Brabçova və Frantisek Smetanadan ibarət Çexiya təmsilçisi 17:11 hesablı qələbə qazanaraq dünya kubokunu üçüncü yerdə başa vurub.

Qızıl medal uğrunda isə iki Çin komandası mübarizə aparıb. Yuting Hvang – Lihao Şenq ikilisi həmyerliləri Jiling Vanq – Aoran Yanq duetinə 16:14 hesabı ilə qalib gələrək qızıl medal qazanıb.

Bu gün, həmçinin, qarışıq komandalar arasında 10 metr məsafəyə pnevmatik tapançadan atış yarışlarında da qaliblər bəlli olacaq.

Oxşar xəbərlər

Daha bir növdə mükafatçılar bəlli oldu - “Dünya Kuboku 2023”

“Dünya Kuboku 2023″-ün qalibi məlum oldu

Bakıdakı dünya kubokunun son qalibləri müəyyənləşdi - SİYAHI

Dünya kubokunun növbəti qalibləri bəlli oldu

Güllə atıcımızdan bürünc medal - Avropa çempionatı