Xorvatiyanın Osiek şəhərində güllə atıcılığı üzrə keçirilən Avropa çempionatında Azərbaycanın güllə atıcısı uğurla çıxış edib.

Sportfm.az xəbər verir ki, yığmamızın üzvü Ruslan Lunyov 25 metr məsafəyə kiçikçaplı tapançadan atəşaçma yarışında 582 xal qazanaraq bürünc medal əldə edib.

Yığmamızın digər üzvü Nigar Bağırova pnevmatik tapançadan 10 metr məsafəyə atəşaçma yarışlarında 578 xalla 3-cü nəticə göstərərək 8 nəfərin yer aldığı finala vəsiqə qazansa da, finalda zəif çıxış etdiyinə görə mükafatçılar sırasına düşməyib.

Xatırladaq ki, Azərbaycanın güllə atıcısı Ruslan Lunyov İtaliyanın Bolonya şəhərində keçirilən qitə çempionatında 25 metr məsafəyə kiçikçaplı tapançadan atəşaçma yarışının qalibi olmaqla “Tokio-2020” Yay Olimpiya Oyunlarına vəsiqə qazanıb.

Oxşar xəbərlər

Daha bir idmançımız mübarizəni dayandırdı - Tokio-2020

İki güləşçimiz mübarizəyə başladı - Tokio-2020

İdmançımız beynəlxalq turnirdə qızıl medal qazandı - 241,7 xal

İdmançılarımız beynəlxalq yarışdan iki qızıl medalla qayıdır

Azərbaycan atıcısı Tbilisidə keçirilən yarışlarda uğurla çıxış etdi