Azərbaycan şahmatçıları Serbiyanın Vrnyaçka Banya şəhərində təşkil olunan 23-cü şəxsi Avropa çempionatında növbəti görüşlərini keçiriblər.

Sportfm.az xəbər verir ki, VII turda Əhməd Əhmədzadə, Namiq Quliyev, Vüqar Rəsulov, Riad Səmədov, Elmar Atakişiyev, Nail Bəşirli qələbə qazanıb.

Nicat Abbasov, Vüqar Əsədli, Ülvi Sadıqov, Aydın Süleymanlı, Vüqar Manafov, Xaqan Əhməd, Məhəmməd Muradlı, Şahin Vəliyev görüşlərini heç-heçə ilə başa vurublar.

Misrətdin İsgəndərov, Xəzər Babazadə, Ülviyyə Fətəliyeva isə məğlubiyyətlə üzləşib. Abdulla Qədimbəyli və Eltac Səfərlinin rəqibləri qarşılaşmaya çıxmayıblar.

Hazırda iti zəka sahiblərindən ən yaxşı göstərici Nicat Abbasova məxsusdur. 27 yaşlı qrossmeyster bir pillə irəliləyərək 5,5 xalla 8-ci sırada qərarlaşıb.

Qeyd edək ki, Avropa çempionatı martın 14-də başa çatacaq. Turnirdə 40 ölkədən 480-dən çox şahmatçı mübarizə aparır.

Oxşar xəbərlər

Səfərlinin ilk xal itkisi - Avropa çempionatı

Şahmatçılarımızın qatılacağı Avropa çempionatının mükafat fondu - 100 000 avro

Vasif Durarbəyli liderdir - Azərbaycan çempionatı

Azərbaycanın 4 şahmatçısı Dünya Kubokuna vəsiqə qazanıb

Azərbaycan yığmasının heyəti açıqlandı - Şahmat üzrə Avropa çempionatı