- Pulsuz oynadığımız çox oldu, pullu vaxtları da gördük. Əvvəllər çox çətin idi, pul olmamaqla yanaşı, oynamaq üçün şəraitdə yox idi. İndi heç olmasa stadionlar var. Bazalar tikilib. Düzdür, bir ara bizim futbolda böyük pullar dövr etməyə başladı. Amma indi elə deyil. Həyat davam edir.

- Hər iki cəza ölkəmizdə futbolun zəif olduğu vaxtlara təsadüf etdi. Ona görə də, karyerama ciddi təsiri olmadı. Cavan yaşlarında insanlar belə səhvlər edir. Yadımdadı, birini yaşımın gənc olmasını nəzərə alıb bağışladılar. Həmin cəzalar mənə dərs oldu. 

- Əvvəlki illərə baxanda hazırda futbol sıfır səviyyəsindədir. Çempionatda cəmi 8 komanda mübarizə aparır, onların təqribən yarısını AFFA maliyyələşdirir. Bizim futbolumuz son illər irəliyə yox, geriyə doğru addımlayır. Nə olsun ki, yığma 7 xal yığıb! Düz-əməlli çempionat keçirilmirsə, yığmaya oyunçu haradan seçilməlidir. Siz hazırda mənə Samir Ələkbərov, Vidadi Rzayev, Yunis Hüseynov, Bəxtiyar Musayev kimi futbolçu göstərin, yoxdursa, onda futbolumuzun geriyə getdiyini anlayacaqsınız. Hardadır indi elə usta futbolçular? Ordan-burdan gətirməklə deyil ki, gərək özündə yetişsin. 

- Hər məşqçinin öz düşüncəsi və taktikası var. Bir çox mütəxəssislər öz taktikasına uyğun futbolçuları seçir. Bu da Robert Prosineçkinin seçimidir. Burada qəbahətli bir şey yoxdur. Belə görünür ki, Nizami onun taktikasına uyğun gəlmir. 

- Hər iki komanda yaxşı futbol nümayiş etdirir və çempion olmağa layiqdirlər. Ancaq mən "Qəbələ”nin qızıl medalları qazanmasını istərdim. Çünki hələ çempion olmayıblar və bölgəni təmsil edirlər.