"Kəpəz"in ən böyük fan-klublarından biri olan "Xəmsə" yeni loqosunu təqdim edib. 

Sportfm.az xəbər verir ki, 2009-cu ildə yaranan "Xəmsə" fan-klubunun keçirdiyi tədbirdə xeyli sayda fanat toplaşıb. Fan-klubun rəhbəri Adil Məmmədov açılış nitqində qarşıya qoyulan məqsədlərdən, gələcək planlardan danışıb. Sonra Elçin Bayramın dizayn etdiyi "Xəmsə"nin yeni loqosu nümayiş etdirilib. 

Qeyd edək ki, "Kəpəz"in ən çılğın azarkeşlərinin toplaşdığı fan-klubun üzvlərinin sayı durmadan artır.