Ərtuğrul Sağlamın “Neftçi”nin yeni baş məşqçisi ola biləcəyi ilə bağlı qardaş ölkə mətbuatında çıxan xəbərlər təsadüfi deyil. Hazırda ölkə xaricində olan Bakı klubu rəhbərliyi həqiqətən dünən türkiyəli mütəxəssislə görüşüb.

Sportfm.az xəbər verir ki, Sağlamla danışıqlar müsbət nəticə verib. Amma hələ də yekun qərar yoxdu. Mütəxəssis bu gün ərzində son sözünü deyəcək.

Sağlam “Neftçi”nin hazırda danışıq apardığı 3 məşqçidən biridi. Bakılılar kifayət qədər namizədlə təmasda olsa da, seçim bu mütəxəssislərdən birinin xeyrinə ediləcək.

Viktor Qonçarenko və Yuri Vernidubla ilk danışıqlar müsbət nəticə vermədiyindən, “Neftçi” iki xorvat mütəxəssislə görüşsə də, yekunda yenidən bu cütlüyün üzərində dayanıb. Rəhbərlik Qonçarenko və ya Vernidubun onların istədiyi komandanı qura biləcəyini düşünür.

Sağlam variantının ortaya çıxmasıyla namizədlərin sayı üzə çatıb. Hətta hazırda türkiyəli mütəxəssis əsas favorit sayılır, onunla danışıqlar alınmasa, belaruslu Qonçarenko və ukraynalı Vernudubdan biri ilə müqavilə bağlanacaq. “Neftçi”nin Müşahidə Şurası qərarı bugünkü iclasında verməlidi. Ona görə də namizədlərdən birinin seçimi yaxın saatlarda dəqiqləşməlidi.(futbolinfo.az)

Oxşar xəbərlər

Ertuğrul Sağlam "Neftçi"də - Yeni baş məşqçi

Ertuğrul Sağlam "Traktor"dan ayrıldı - "Neftçi" ilə danışıqlar aparır

AFFA-dan Samet Aybaba və Okan Buruk açıqlaması

Gerye Azərbaycana qayıdır - “Neftçi”ylə danışıqları təsdiqlədi

Türkiyəli mütəxəssis Təbrizdə - FOTO