Bolqarıstanın paytaxtı Sofiyada qadın boksçular arasında Avropa çempionatı davam edir. Sportfm.az xəbər verir ki, yarışın yarımfinal mərhələsində iştirak edən 4 boksçumuzdan biri artıq finala yüksəlib. Belə ki, təmsilçilərimiz arasında rinqə ilk çıxan Anna Əlimərdanova adını həlledici mərhələyə yazdıra bilib. 54 kq çəki dərəcəsində mübarizə aparan xanım dəri əlcək ustası fransalı Delfan Mançinini məğlub edib. Artıq onun rəqibi də məlumdu. Anna qızıl medal uğrunda yerli idmançı Stanimira Petrova ilə üzləşəcək. 

Qeyd edək ki, digər yarımfinal görüşləri də bu gün keçirləcək.