Sportfm.az xəbər verir ki, AFFA-nın baş katibi Elxan Məmmədov Şimali İrlandiya ilə görüşdən sonra jurnalistlərin suallarını cavablandırıb. Baş katib Almaniya ilə baş tutacaq növbəti matçada toxunub:

- Cari seçmə mərhələyə AVRO-2020-yə hazırlıq kimi baxmaq düzgün olmazmı?

- Əslində, biz bunu edirik. Cari seçmə mərhələyə 4 il sonrakı böyük yarışa hazırlıq məqsədi ilə yanaşırıq. Belə hədəflər həmişə var. Bu da milli komandanın qrupda yüksək yerlərdən birində bitirməsidir. Ancaq 4 oyundan sonra mübarizəni daha yüksək yerlərdə bitirəcəyimiz görünür. Niyə də yox?!

- Almaniya ilə oyuna 4 ay var. Bu müddətdə yoldaşlıq görüşləri keçirmək nəzərdə tutulub?

- Minimum 1 oyun olacaq. Həmin oyun böyük ehtimalla gələn ilin fevralında baş tutacaq. Rəqibin kimliyi və oyunun harada keçiriləcəyi bəlli deyil.