Argentina millisinin sabiq forvardı Qabriel Batistuta topuğundan əməliyyat olunub.

Sportfm.az xəbər verir ki, əməliyyatdan sonra "Corriere della Sera”ya danışan veteran ulduz keçmişdə zədələr üzündən çəkdiyi əzabları da yada salıb:

"Altı-yeddi il tərəddüd edəndən sonra bu əməliyyata razılıq verdim. 40 gün şin daşımalıyam. Ümid edirəm ki, ağrılar məndən əl çəkəcək və normal adamlar kimi gəzə biləcəm.

Karyeramı bitirəndən sonra topuq sümüklərimin sınıq-sınıq olduğunu anladım. Bəzən adi hərəkətlər zamanı 86-87 kiloqram çəkinin vəziyyəti ağırlaşdırdığını da duyurdum. Sümüklərim ovxalanır, dəhşətli dərəcədə sızıldayırdı. 28 yaşında "yetər” deyən van Basten də eyni problemdən əziyyət çəkib.

Elə vaxt olub ki, ağrıdan səhərə qədər yatmamışam. Yataqdan qalxa bilmirdim. Ağladım, öz-özümə ”belə davam etməyəcək” dedim. Həkim dostumun yanına gedib ayağımı amputasiya etməsini xahiş etdim. Dözə bilmirdim. Ağlayır, yalvarır, ayağımı kəsməsini istəyirdim”.

Oxşar xəbərlər

Məşhur futbolçu karyerasını bitirdi - 38 yaşında

Hücumçunun ayağını kəsdilər - Dəhşət

Aqil yenə əməliyyat olundu

"Hacı Əliyev məni bilərəkdən zədələmədi" - Rusiyalı güləşçi

Ronaldo “Yuventus”a keçməsinin səbəbini açıqladı