Bu ilin martında “Sabah”dan ayrılan Miloş Bosançiç karyerasını yenidən Çexiyada davam etdirəcək.

Sportfm.az xəbər verir ki, serbiyalı yarımmüdafiəçi “Slovana”a keçib.

Klub rəsmi saytı vasitəsilə bu transferi açıqlayıb. 31 yaşlı futbolçu ötən ilin yayında məhz “Slovan”dan “Keşlə”yə keçmişdi.

“Keşlə” karyerası uzun sürməyən futbolçunu avqustda “Sabah” transfer etmişdi. O, paytaxt təmsilçisində 12 oyuna 1 qol vurub.