“Qarabağ”dan ayrılan Vild-Donald Gerye karyerasını “Neftçi”də davam etdirəcək. 

Sportfm.az xəbər verir ki, haitili cinah müdafiəçisinin paytaxt klubuna keçidi artıq dəqiqləşib. Bu haqda "transfermarket.com" saytı da yazıb. Artıq tərəflər razılığa gəliblər və 2 illik müqaviləyə qol çəkəcəklər. 

“Neftçi” yeni transferini Avropa Liqasının III təsnifat mərhələsində İsrailin “Bney Yehuda” klubu ilə oyunlar üçün UEFA-ya sifariş edəcək. 

30 yaşlı futbolçu 2017-ci ilin yayında Türkiyənin “Alanyaspor” klubundan “Qarabağ”a keçmişdi. Bu yay o, Ağdam təmsilçisi ilə yeni sözləşmə ilə bağlı razılığa gəlsə də, tərəflər son anda müqaviləni uzatmaqdan imtina etmişdi. 

Gerye Ağdam klubunda 55 oyuna 5 qol vurub.