“Qəbələ”nin 17 yaşadək futbolçulardan ibarət komandasının iştirak etdiyi “Snaf Mondial Cup”da qrup mərhələsinin oyunları keçirilib. 

Sportfm.az xəbər verir ki, Fransanın San Nazer şəhərində təşkil olunan yarışda mübarizə aparan 16 komanda 4 qrupda dairəvi sistemlə qüvvəsini sınayıb. 

A qrupunda çıxış edən “qırmızı-qaralar” üç oyun keçirib. Zaur Hacıyevin baş məşqçisi olduğu U-17 “Monako”ya 0:3, “Anje” (hər ikisi Fransa) və “Benfika”ya (Portuqaliya) eyni – 0:1 hesabı ilə uduzub.  

Komanda qrup mərhələsini dördüncü yerdə tamamlayıb. “Qəbələ” 9-16-cı yerlər uğrunda olimpiya sistemi ilə mübarizə aparacaq. “Qırmızı-qaralar”ın buradakı rəqibləri Fransa təmsilçiləri “Tuluza”, “Monako”, “Snaf”, “Brest”, “Vertu”, Serbiyanın “Zvezda” və Meksikanın “Amerika” klubları olacaq.

Oxşar xəbərlər

"Qəbələ" çexiyalılara qarşı

"Barselona" "Qəbələ"yə qalib gəldi

"Qəbələ"nin "Udineze"yə "gücü çatmadı"

"Qəbələ" üçün ən çox işlədilən söz "kaybetdi" oldu

"Qəbələ" litvalıları məğlub edib, latviyalılara uduzdu