Litvanın paytaxtı Vilnüsdə keçirilən “Ateitis Cup” turnirinə start verilib.

Sportfm.az xəbər verir ki, yarışda qüvvəsini sınayan “Qəbələ”nin 14 yaşadək futbolçulardan ibarət komandası ilk oyun günündə iki matç keçirib. C qrupunda mübarizə aparan “qırmızı-qaralar” ilk turda Litvanın “Vilnüs” komandasını sınağa çəkiblər. Sərxan Mirzəzadənin dubl etdiyi görüşdə “Qəbələ” 2:0 hesabı ilə qalib gəlib. Ülfət Mədətovun baş məşqçisi olduğu komanda ikinci matçını Latviyanın “Dauqavpils” komandasına qarşı keçirib. Futbolçularımız meydandan 0:1 hesablı məğlubiyyətlə ayrılıblar.
Xatırladaq ki, “Qəbələ” qrup mərhələsinin növbəti iki oyununu sabah keçirəcək. Komandamız Finlandiyanın “Maski” və Belarusun “Smena” komandaları ilə qarşılaşacaq.

Oxşar xəbərlər

"Qəbələ" "Zirə"ni məğlub etdi - Yoxlama oyunu

"Qəbələ" milliyə qarşı - Yoxlama oyunu

"Qəbələ" bütün görüşlərdə məğlub oldu

"Qəbələ" çexiyalılara qarşı

"Barselona" "Qəbələ"yə qalib gəldi