Fiqurlu konkisürən ərəb qızı Zəhra Lari Rusiyanın Krasnoyarsk vilayətində keçirilən XXIX Ümumdünya Qış Universiadasının əsas sürprizi olub.

Sportfm.az xəbər verir ki, Birləşmiş Ərəb Əmirliklərini (BƏƏ) qadınlar arasında fiqurlu konkisürmə üzrə yarışlarda təmsil edən 23 yaşlı Zəhra hicabla bu cür turnirlərdə iştirak edən ilk idmançıdır. Rusiyalı idmançılardan böyük dəstək aldığını söyləyən BƏƏ təmsilçisi qeyd edib ki, onun əsas hədəfi 2020-ci il Qış Olimpiya Oyunlarında iştirak etməkdir.

Zəhra Lari Rusiya telekanallarına müsahibəsində deyib ki, BƏƏ-də fiqurlu konkisürmə üzrə Fatma bin Mübarək İdman Akademiyasının kuboku uğrunda turnir keçirilir. Onun sözlərinə görə, ötən il həmin turnirdə 28 ölkənin təmsilçiləri iştirak ediblər. Zəhra Lari əlavə edib ki, onun ölkəsində 100-ə yaxın qadın fiqurlu konkisürən var və hökumətin müvafiq strukturu onlardan dəstəyini əsirgəmir.

Oxşar xəbərlər

Azərbaycanın fiqurlu konkisürəni karyerasını niyə bitirdi? - Səbəbini açıqladı

Azərbaycan idmançısı Pekində növbəti mərhələyə yüksəldi

İdmançılarımız püşkatma mərasiminə qatılmayacaq - Pekin-2022

Pekinə vəsiqə qazandıq - Bu dəfə Ryabova

Hicablı idmançı hər kəsi şoka saldı - VİDEO