"Liverpul”un futbolçusu Mario Balotellinin gələcək karyerası ilə bağlı müəmma hələ də davam edir. "Liverpul” onun xidmətində maraqlı deyil. Balotelliyə görə isə kluba rəsmi təklif göndərən yoxdu. Komanda.az xəbər verir ki, "Mançester Yunayted”in baş məşqçisi Joze Mourinyo Balotelliylə görüşüb. Yox, "qırmızı şeytanlar” Marionu transfer etmək istəmirlər.

Sadəcə, Mourinyo vaxtı ilə rəhbərliyi altında oynamış futbolçuya məsləhətlər verib. O, Balotelliyə bildirib ki, öz davranışlarına nəzarət etməli, pul ardınca qaçmamalıdı. Joze məsələhət görüb ki, Mario az məvacibə daim oynamaq şansı qazana biləcəyi kluba keçməlidi.

Bir müddət əvvəl məlumat yayılmışdı ki, Balotelliylə "Sampdoriya”, "Kyevo”, "Beşiktaş” və "Ayaks” maraqlanır. Ancaq bu klubların heç biri Marioya görə "Liverpul”a rəsmi təklif göndərməyib.