Portuqaliyada IWAS versiyası üzrə fiziki qüsurluların Dünya Oyunları keçiriləcək. Noyabrın 30-da başlanacaq oyunlarda oxatma, yüngül atletika, üzgüçülük, stolüstü tennis və para-taekvando idman növü yer alıb.

Sportfm.az xəbər verir ki, dekabrın 6-da başa çatacaq Oyunlarda ölkəmizı para-taekvando milli yığma komandasının 12 üzvü təmsil edəcək.

Baş məşqçi Əvəz Tağıyevin və böyük məşqçi Yaşar Səfərovun rəhbərliyi ilə noyabrın 30-da Portuqaliyaya yollanan millimizin idmançılarından Şəhmir İbadov (62 kq), Elimxan Manafov (61 kq), Nicat Müslimov (75 kq), Sadiq Həmidov (61 kq), Xəzər Mirzəyev (75 kq), Rövşən Qəhrəmanlı (61 kq), Əbülfəz Abuzərli (75 kq), İmaməddin Xəlilov (75 kq), Vüqar Adışirinov (75 kq-dan yuxarı), Hüseyn Həsənov (75 kq), Aynur Məmmədova (58 kq-dan yuxarı), Röyalə Fətəliyeva (58 kq) yarışlarda mübarizə aparacaq.

Xatırladaq ki, 2015-ci ildə Rusiyada təşkil edilən Oyunlarda para-taekvando milli yığma komandamız uğurlu çıxış edərək dörd qızıl və bir bürünc medala sahib olub. Komandamızın üzvlərindən Nicat Müslümov (75 kq), Namiq Abbasov (61 kq), Rövşən Qəhrəmanlı (61 kq) və Aynur Məmmədova (58 kq-dan yuxarı) yarışın qalibi olaraq qızıl medal qazanıblar. Aleksandr Polişuk (75 kq-dan yuxarı) isə bürünc medala layiq görülüb.

Oxşar xəbərlər

Millimizin heyəti açıqlandı - SİYAHI

Para-taekvondoçularımız üçün lisenziya şansı - Tokio-2020

Para taekvondoçularımız dünya çempionatına hazırlaşır

Millimiz Bolqarıstandan iki medal gətirdi

Avropa çempionatından 10 medalla - FOTO