Futzal üzrə İranın Yüksək Liqasında mübarizə aparan "Mes Sanqun" komandası paytaxtımıza gəlib. 

Sportfm.az saytı xəbər verir ki, İran klubu səfər çərçivəsində Naxçıvan təmsilçisi "Araz"la yoldaşlıq matçı keçirib. Bakı İdman Mərkəzində baş tutan oyunda Azərbaycan çempionu rəqibə heç bir şans verməyib 6:0. İran təmsilçisinin rəsmilərinin saytımıza verdiyi məlumata görə, "Mes Sanqun" Bakıya əsas heyəti ilə gəlməyib. Belə ki, klubun 5 üzvü İran yığmasının heyətində təlim-məşq toplanışında iştirak edir. 

Qeyd edək ki, "Araz"ın iranlılarla növbəti qarşılaşması 21 sentyabr, saat 17:00-da Bakı İdman Mərkəzində keçiriləcək. 

Oxşar xəbərlər

Millinin dünya çempionatı üçün heyəti açıqlandı - SİYAHI

İran klubunun oyunçusu DÇ-nin əsas mərhələsi üçün Azərbaycan yığmasının heyətində

İran futzalının ulduzu yığmamıza qarşı oynayacaq - Rəqib heyəti açıqladı

İran futzalçıları Bakıda 2 qol vurdu

EKOL "Araz"la bacarmadı