Azərbaycanda oyunları necə satırlar? -

Yazar araz 28 dekabr 2024 10:02 363 nəfər baxıb

Azərbaycanda oyunları necə satırlar? -MÜDHİŞ MEXANİZM

Xəbər verdiyimiz kimi, Birinci Liqada mübarizə aparan "Mingəçevir" klubunun 8 futbolçusu oyun alq-satqısında şübhəli şəxs qismində saxlanılıb.

Bu ölkəmizdə birinci belə hal deyil. Vaxtilə Azərbaycanın Birinci Liqasında çıxış edən bir çox komandalar məhz belə məsələlərə görə cəzalandırılıb.

Hazırda da UEFA tərəfindən AFFA-ya göndərilən şübhəli oyunlar siyahısında 10-dan çox qarşılaşma var. Və araşdırmalar gedir. Kimlərin günahı sübut olunarsa, yeni cəzaların gəlməsi labüddü.

Bəs, Azərbaycanda oyunları necə satırlar, UEFA bunlarıhardan öyrənir?

Əvvəla başlayaq ondan ki, Birinci Liqanın matçlarına dünyanın bir çox mərc kontorlarında pul qoyuluşu etmək olur. Həmin kontorları işlədənlər Azərbaycanda müəyyən "qaranlıq adamlar" tapır. Bu adamları tapanlar əsasən Şərqi Avropa ölkələrindən olur. Onların əlaqə qurduğu həmin qaranlıq adamlar isə ölkəmizdə müəyyən futbolçularla əlaqəyə girir.

Futbolçu söhbətə dəvət olunur(adətən müdafiəçilər və qapıçılar), onunla oyun zamanı edəcəkləri detallı şəkildə razılaşdırılır və hansı məbləği alacağı bildirilir. Tərəflərəl sıxışdıqdan sonra anlaşma saxlayan futbolçu bu işə başqa futbolçuları da cəlb edir. Və beləcə cinayət şəbəkəsi yaradılır. Təbii ki, hamının da "dolyası" çatır.

Dünyanın müxtəlif yerlərində kontorlarda futbolçusu ilə anlaşılan komandanın cərimə edəcəyinə, sarı və yaxud qırmızı vərəqə alacağına, qol buraxacağına külli miqdarda "stavka" edilir. Sonra isə uduş bölünür. Adətən belə halda "işi görən" futbolçuya 10-15 min manat(dollar və ya avro da ola bilər) çatır.