Сüdo üzrə Azərbaycan çempionatının komanda yarışları keçirilib.

Sportfm.az xəbər verir ki, Bakı İdman Sarayında keçirilən yarışda qadınlar arasında 7 komanda, kişilər arasında isə 9 komanda kubok uğrunda mübarizə aparıb.

Qadınların yarışında -52 kq., -57 kq., -63 kq., -70 kq. və +70 kq. çəkilərdə, kişilərin yarışında -66 kq., -73 kq., -81 kq., -90 kq. və +90 kq. çəki dərəcələrində ümumilikdə 104 cüdoçu gücünü sınayıb.

Yarışda komandalar uyğun olaraq qadınlar və kişilər arasında 2 fərqli qrupa bölünüb. Hər qrup daxilində komandalar bir-biri ilə qarşılaşıb. Qrup mərhələsində əldə edilən nəticələrə əsasən, müəyyən yerləri tutan komandalar yarımfinal və təsəlli mərhələdə mübarizəni davam etdirib.

Qadınlar arasında bürünc medal uğrunda görüşlərdə Umbayev Sport Klub 3:0 hesabı ilə Neftçi İdman Klubuna (2), Cüdo Klub 2012 3:1 hesabı ilə Azəri-Cüdo İdman Klubuna qalib gəlib. Final görüşü Neftçi İdman Klubu (1) ilə Şuşa UGİM arasında keçirilib. Neftçi İdman Klubu (1) 3:1 hesabı ilə qalib gələrək qadınlar arasında komanda yarışlarının kubokunu və qızıl medallarını qazanıb.

Kişilər arasında bürünc medal uğrunda görüşlərdə Neftçi İdman Klubunun 1-ci komandası 3:0 hesabı ilə klubunun 2-ci komandasına, Kanokan TT İdman Klubu 3:1 hesabı ilə Sərhədçi İdman Mərkəzinə qalib gəlib. Final görüşü Cüdo Klub 2012 ilə Atilla İdman Klubu arasında keçirilib. Cüdo Klub 2012 3:2 hesabı ilə qalib gələrək kişilər arasında komanda yarışlarının kubokunu və qızıl medallarını qazanıb.

Qalib komandalara mükafatları gənclər və idman naziri Fərid Qayıbov, Azərbaycan Cüdo Federasiyası (ACF) İcraiyyə Komitəsinin üzvü, Azərbaycan Cüdo Veteranları Assosiasiyasının prezidenti, “Cüdo Klub 2012” İctimai Birliyinin sədri və klubun təsisçisi Azər Əsgərov, vitse-prezident Elnur Məmmədli və ACF-in icraçı vitse-prezidenti Rəşad Rəsullu təqdim ediblər.

Oxşar xəbərlər

Azərbaycanın ən yaxşı cüdoçuları müəyyənləşdi

Cüdo üzrə Azərbaycan çempionatı keçiriləcək

Cüdo yığmamız Avropa çempionu oldu - Uğur

2016-cı ilin son cüdo yarışından maraqlı anlar -VİDEO

Cüdo üzrə ölkə çempionatının ilk günündə 9 çəki dərəcəsinin qalibi müəyyənləşib