Misir millisinin hücumçusu Məhəmməd Salah milli komandada tarixi rekorda imza atıb.

Sportfm.az xəbər verir ki, 34 yaşlı futbolçu Afrika Millətlər Kubokunun seçmə mərhələsində Malavi ilə keçirilən və Misirin 5:0 hesablı qələbəsi ilə başa çatan oyunda iki qol vurub.

Bununla da Misir Futbol Assosiasiyasının statistikasına əsasən, Salahın milli komandada vurduğu qolların sayı 70-ə çatıb. Beləliklə, o, ölkə rekordunu yeniləyib.

Salah 176 oyunda 69 qol vuran Hossam Hasanı geridə qoyub. Misirli hücumçu bu göstəriciyə cəmi 123 matçda nail olub.

Qeyd edək ki, FİFA-nın rəsmi statistikasında Salahın hesabında 68 qol var. Bu fərq bəzi yoldaşlıq görüşlərinin FİFA tərəfindən rəsmi A kateqoriyalı beynəlxalq oyun kimi tanınmaması ilə əlaqədardır.

Salah özü də sosial şəbəkə hesabında soyunub-geyinmə otağında üzərində “70” yazılmış lövhə tutduğu fotosunu paylaşıb.

Oxşar xəbərlər

Salahdan “Trabzonspor”da rekord

Salah Misir millisində tarix yazdı

Misir yığması rekorda imza atdı - Afrika Millətlər Kuboku

Salah rekord qırdı

Salahdan yeni rekord - Premyer Liqa