Futtennis üzrə 1-ci Azərbaycan Kubokunun püşkü atılıb.

Sportfm.az xəbər verir ki, "Marafon” İdman Klubunda baş tutan tədbirdə, Azərbaycan Futnet Assosiasiyasının 1-ci vitse-prezidenti Samir Məmmədov, vitse-prezident Rüfət Hüseynov, baş katib Əfqan Həmzəyev, İcraiyyə Komitəsinin üzvü Gülağa Cabbarov və turnirdə iştirak edəcək klubların nümayəndələri iştirak etdi. Çıxış edən Assosiasiya rəsmiləri futtennisin ölkəmizdə yeni inkişaf mərhələsinə qədəm qoyması üçün, ölkə kuboku uğrunda turnirin böyük əhəmiyyət daşıdığını vurğuladı.

Ölkə kuboku uğrunda yarışda mübarizə aparacaq komandaların rəsmilərinə geniş məlumat verildikdən sonra, püşkatmaya start verildi. Qrupların tərkibi müəyyən edildikdən sonra klub nümayəndələrinə bu idman növünün qaydaları ilə bağlı seminar keçirildi.

Qeyd edək ki, hərəsində 5 komanda olmaqla, iki qrupda yarışacaq klublar ilk 4 sıranı əldə edəcəkləri təqdirdə ¼ final mərhələsinə vəsiqə əldə edəcəklər. Müvafiq olaraq A və B qrupunda çıxış edəcək kollektivlər oyunlarını Daxili İşlər Nazirliyinin "Dinamo" İdman Cəmiyyətinin zalında keçirəcək. Aşağıda sizləri püşkatmanın nəticələri ilə tanış edirik:

A qrupu: Yasamal, Xəmsəfans-Gəncə, Atletiko, Hell Energy, Qatar

B qrupu: Yeni Günəşli, Baku Fire, Marafon, Veteranlar, Neftçi

Oyunlar: 17 iyun, saat 15:00

1-ci tur, A qrupu: Qatar-Yasamal; Xəmsəfans-Gəncə-Hell Energy

          B qrupu: Yeni Günəşli-Neftçi; Baku Fire-Veteranlar

2-ci tur, A qrupu: Atletiko-Xəmsəfans-Gəncə; Hell Energy-Yasamal

          B qrupu: Marafon-Baku Fire; Veteranlar-Yeni Günəşli

3-cü tur, A qrupu: Qatar-Hell Energy; Yasamal-Atletiko

          B qrupu: Neftçi-Veteranlar; Yeni Günəşli-Marafon

4-cü tur, A qrupu: Xəmsəfans-Gəncə - Yasamal; Atletiko-Qatar

          B qrupu: Baku Fire-Yeni Günəşli; Marafon-Neftçi

5-ci tur, A qrupu: Hell Energy-Atletiko; Qatar-Xəmsəfans-Gəncə

          B qrupu: Veteranlar-Marafon; Neftçi-Baku Fire

Oxşar xəbərlər

"Atletiko" Şuşa"ya, "Neftçi" "Yeni Günəşli"yə rəqib oldu

"Xəmsəfan Gəncə" "Neftçi" İK-yə, "Xilə" "Yeni Günəşli"yə qarşı oynayacaq - Azərbaycan Super Liqasının başlama vaxtı bilindi

Gəncə komandası ölkə kubokunun 1/4 finalına yüksəldi, Aslan Kərimov əla oyunu ilə yadda qaldı

Meydana atılan yad əşya və finalçının ağır məğlubiyyəti

Futzal üzrə ölkə kubokunda sensasion nəticələr!