Azərbaycanın yeniyetmə şahmatçıları Rumıniyanın Mamaya şəhərində keçirilən Avropa çempionatında komanda hesabında birinci olublar.
Sportfm.az xəbər verir ki, yığma buna 4 qızıl, 2 gümüş və 1 bürünc medal qazanmaqla nail olub.

Turnirdə mükafatlandırma mərasimi də baş tutub. Qalib və mükafatçılara medal, diplom, o cümlədən kubok təqdim edilib. Çempion şahmatçılarımızın şərəfinə 4 dəfə Azərbaycan himni səsləndirilib.

Xatırladaq ki, Avropa çempionatında Məhəmməd Kazımzadə, Mehriban Əhmədli, Əhməd Xaqan, Rüstəm Rüstəmov qızıl, Ayan Allahverdiyeva və Xəzər Babazadə gümüş, Səadət Bəşirli isə bürünc medal əldə edib. Azərbaycan şahmatçıları ilk dəfə yeniyetmələrin qitə çempionatında 4 qızıl medal qazanmaqla rekord nəticəyə imza atıblar.

Oxşar xəbərlər

Millimiz Avropa çempionatında 3-cü oldu

Güləş millimiz Avropa ikincisi oldu - UĞUR

Millimiz Avropa çempionatında rekordunu yenilədi

İdmançılarımız dünya çempionatında 17 medal qazandı

Yığmamız Avropa Çempionatında 2-ci yeri tutdu