“Qəbələ” iki futbolçu ilə yollarını ayırıb.

Sportfm.az xəbər verir ki, qapıçı Nicat Mehbalıyev və yarımmüdafiəçi Ehtiram Şahverdiyev 2022-2023-cü illər mövsümündən “qırmızı-qara” formada çıxış etməyəcək.

2021-ci ilin yayından “Qəbələ”nin şərəfini qoruyan Nicatın icarə müddəti başa çatıb. O, 2021-2022-ci illər mövsümündə “qırmızı-qaralar”ın heyətində 28 oyun keçirib.

Ehtiramla başa çatan müqavilənin müddəti uzadılmayıb. “Qəbələ”də 2015-2016-cı illər mövsümündə debüt edən futbolçu əsas komandada ümumilikdə 42 matç (1 qol) keçirib.

“Qəbələ” İdman Klubu Mehbalıyevlə Şahverdiyevə “qırmızı-qara” forma ilə keçirdiyi oyunlara və qazanılan qələbələrdəki paylarına görə təşəkkür edib, gələcək karyeralarında yeni-yeni uğurlar arzulayıb.

Oxşar xəbərlər

Omar Hani "Qəbələ"dən yola salındı

"Qəbələ"də 3 yeni müqavilə

"Qəbələ" legioneri ilə vidalaşdı - Müqavilə başa çatdı

“Qəbələ”nin yeni transferi - Müqavilə

Hollandiyalı futbolçu Azərbaycanı tərk etdi