"Neftçi"nin Müşahidə Şurasının iclasından sonra klubda "yarpaq tökülməsi" davam edir. 

Samir Abasovun komandadan göndərilməsindən sonra "Neftçi"də bir sıra təyinatlar gerçəkləşdi. Rəşad Abdullayev əvəzedici heyətə, Cavid Hüseynov U-19-a gətirildi. Mahmud Qurbanovun "Səbail"ə gedişindən sonra bütün bunların olacağını proqnozlaşdırmaq olardı. Amma və lakin "Neftçi" "Neftçi" olmazdiki, orda qeyri-adi qərar verilməsin. Verilib də...Klubun U-10 komandasının baş məşqçisi, A kateqoriyaya malik, ölkəmizdə ən yaxşı uşaq futbolu mütəxəssislərindən biri hesab edilən(bəlkədə birincisi) Azər Cabbarov da "Neftçi"ni tərk edib. Özüdə komandası Respublika Çempionatının yarımfinalında ilk görüşünü keçirdikdən sonra. İlk oyunda qalib gələn, 40 görüşdür məğlub olmayan, klubun tarixində mümkün olan bütün rekordları yeniləyən komandanın çalışdırıcısı "Neftçi"də duruş gətirə bilməyib. Maraqlıdı, elə deyilmi...Heyətində olan azyaşlı futbolçulara "Tottenhem Hotspur", "Qalatasaray" kimi klublardan təklif gələn və bu səviyyəyə çatmaqda Azər Cabbarova borclu olan "ağ-qaralar" onun yola salmağı lazım bilib. 

Nə isə...sonda deyirik ölkədə niyə uşaq futbolu yoxdur, nədən futbolçu yetişmir! Sizcə ölkə futbolunun flaqmanında işə belə münasibət varsa, Azərbaycanda oyunçu yetişə bilər?! Məncə çətin...

Bu arada komanda 16 iyunda "Sabah"la final matçına baş məşqçisiz çıxacaq. 

Araz Əhmədov