Azərbaycan Futnet Federasiyasının və “ASAN Könülləri” Gənclər Təşkilatı İctimai Birliyinin təşkilatçılığı ilə futtennis turnirindən sonra bugün teqbal üzrə yarış baş tutub. 

Sportfm.az xəbər verir ki, "Gənclər günü"nə həsr edilən turnir "Marafon" İdman Klubunda keçirilib. Bir gün öncə futtennis turnirində iştirak edən komandalar bu dəfə teqbalda məharətlərini sərgiləyib. 

8 komandanın yarışdığı turnirdə "Laçın" 3-cü yer uğrunda matçda "Fizuli"ni 2-1 hesabı ilə məğlub edərək bürünc medalları qazanıb. Finalda isə "Ağdam" və "Şuşa" üz-üzə gəlib. Rəqibindən daha yaxşı oyun nümayiş etdirən ""Şuşa"lılar" teqbal turnirinin qalibi adını əldə edib. Onlar həlledici görüşdə 2-0 qalib gəlib. 

Ötən gün futtennis turnirinin və teqbal yarışının qaliblərinə “ASAN Könülləri” Gənclər Təşkilatı İctimai Birliyinin kubok və diplomları təqdim edilib.

Oxşar xəbərlər

Azərbaycan dünya teqbal ailəsinin üzvü oldu! - UĞUR

"Şuşa" komandası turnirin qalib oldu - Futtennis üzrə turnirdə

İmişlidə ən güclü məlum oldu - "114 FK" qızıl medalları qazandı

Ukrayna yığması Bakıda ən güclü oldu - FOTO

Azərbaycan Super Liqasının qalibi məlum oldu - Marafon hamıdan güclüdür