Bu gün AFFA-nın İntizam Komitəsinin iclası keçirilib.

 

Sportfm.az AFFA-nın rəsmi saytına istinadən xəbər verir ki, Topaz Premyer Liqasının XIV turu və Azərbaycan kubokunun 1/4 final mərhələsinin cavab oyunlarında yaşananlarla bağlı qərarlar verilib.

 

Çempionatın "Qəbələ” – "Kəpəz” matçında meydandan qovulan Renan Da Silva bir oyun cəzalanıb və qonaq komandanı 200 manat ziyana salıb. "Qarabağ” – "İnter” oyununun 85-ci dəqiqəsində meydan sahiblərinin məşqçisi Ruben Selles texniki zona qaydalarını pozduğuna görə texniki zonadan kənarlaşdırılıb. Bu üzdən də legioner çalışdırıcı bir oyun cəzalanıb, klubu isə 800 manat cərimə olunub.

 

Kubokun "Neftçi” - "Zirə” matçında qonaqların 4 futbolçusu sarı vərəqə ilə cəzalandığı üçün klub 800 manat cərimələnib. "Neftçi” azarkeşləri tərəfindən  pirotexniki vasitələrdən istifadə edildiyi üçün klub 800 manat ödəyəcək.

 

AZAL – "Qəbələ” matçında bakılıların 4 futbolçusu sarı vərəqə ilə cəzalandığı üçün paytaxt təmsilçisi 800 manat cərimə olunub.

 

"Kəpəz” – "İnter” qarşılaşmasında 4 futbolçusu sarı vərəqə alan gəncəlilərin də cəzası eyni olub.