Bu gün AFFA İntizam Komitəsinin növbəti iclası keçirilib. Sportfm.az-ın PFL-in rəsmi rəsmi saytına istinadən verdiyi məlumata görə, İntizam Komitəsi Topaz Premyer Liqanın 9-cu turunda baş verən qayda pozuntuları ilə bağlı müvafiq qərarlar qəbul edib.

Topaz  Premyer Liqasının IX turunun "Kəpəz” – "İnter” matçında "İnter” klubunun 6 futbolçusu sarı vərəqə ilə cəzalandığı üçün klub 800 manat cərimə olunub.

Topaz  Premyer Liqasının IX turunun AZAL – "Zirə” matçında "Zirə” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.

Topaz Premyer Liqasının IX turunun "Sumqayıt” – "Qəbələ” matçında "Qəbələ” klubunun 4 futbolçusu sarı vərəqə ilə cəzalandığı üçün klub 800 manat cərimə olunub.

Oyunun 90+3-cü dəqiqəsində "Qəbələ” klubunun futbolçusu Sadiq Quliyev ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub. 

Topaz  Premyer Liqasının IX turunun "Neftçi” – "Qarabağ” matçında meydançaya azarkeş daxil olduğu üçün oyunda fasilə yaranıb. "Neftçi” klubu oyunda təhlükəsizliyi tam təmin etmədiyinə görə 4000 manat cərimə olunub.