Sportfm.az xəbər verir ki, bu barədə onun atası Sergio Mezzotero "feysbuk”da yazıb. Futbolçunun Bakıdakı xarici neft şirkətlərindən birində çalışan atası hər şey üçün Azərbaycana təşəkkür edib, burda 6 unudulmaz il yaşadıqlarını vurğulayıb.

Lorenzo Mezzoteronun adı 2017-ci ildə gündəmə gəlmişdi. Həmin o vaxt o birdən birə "Neftçi” üç yaş qrupu üzrə komandasında oynayır, ardıcıl qollar vururdu. İtaliyalı azyaşlının bu cür istismarı xüsusiylə də Sport7.az-da qabardılmış, nəticədən ötrü bu cür yola əl atılması qınanmışdı.

Zaman göstərdi ki, heç də haqsız deyilmişik. Budur, Lorenzo da atasıyla birlikdə Azərbaycanı tərk edir, həmin qollar isə quru statistikadan başqa heç nəyə yaramır.

Ümid edək ki, gələcəkdə böyük futbolçuya çevriləcək Lorenzo Azərbaycanı və "Neftçi”ni unutmayacaq.