Almaniyanın “Bavariya” klubunun futbolçusu David Alaba həkimlərin koronavirusa qarşı vaksinin Afrika ölkələrində sınaqdan keçirilməsi ilə bağlı təklifinə reaksiya verib.

Sportfm.az xəbər verir ki, 28 yaşlı müdafiəçi şəxsi “Twitter” hesabı vasitəsilə tənqidi fikirlər səsləndirib.

"Bunu deyənlər həkimlərdir, yoxsa təlxəklər? Heç vaxt belə irqçiliyi təsəvvür edə bilməzdim. Bu, utandırıcı və yolverilməzdir. Koronavirusa qarşı mübarizə aparmaq üçün hamımız bir araya gəlib çiyin-çiyinə çalışmalıyıq" deyə Alaba vurğulayıb.

Qeyd edək ki, koronavirusa qarşı vaksinin Afrikada sınaqdan çıxarılması təklifini Fransanın paytaxtı Parisdəki xəstəxanalardan birinin reanimasiya şöbəsinin müdiri professor Jan-Pol Mira dilə gətirib.

Oxşar xəbərlər

David Alaba “Bavariya”dan ayrılır - Rəsmən açıqlayacaq

Maska satışından 250 min avro topladılar - FOTO

Didier Droqba və Samuel Eto professorun absurd təklifini tənqid etdi

Koronavirus danışıqlara təsir etməyəcək - Prezident bildirdi

David Alaba üçün 65 milyonluq təklif