UEFA Fransa Futbol Federasiyasını 20 min avro cərimələyib.

Sportfm.az xəbər verir ki, buna səbəb Fransa və Albaniya yığmaları arasında AVRO-2020-nin seçmə mərhələ oyunu zamanı qonaq komanda himninin səsləndirilməsində səhvə yol verilməsi və matçın gec başlamasıdır.

“Stad de Frans”da keçirilmiş görüşdə meydan sahibləri Albaniyanın yerinə Andorranın dövlət himnini səsləndiriblər. Bundan sonra qonaqların futbolçuları ölkələrinin himni səslənməyənə qədər oynamayacaqlarını bildiriblər.

Onların tələbinin yerinə yetirilməsi zaman aldığı üçün oyun gec başlayıb. Matçdan sonra Fransa prezidenti Emmanuel Makron və baş məşqçi Didye Deşam Albaniyandan üzr istəyiblər.

Qeyd edək ki, oyun Fransanın 4:1 hesablı qələbəsi ilə başa çatıb.

Oxşar xəbərlər

İsveçlər ermənilərə görə cərimələndi - 5 000 avro

Didye Deşamla yeni müqavilə imzalandı - RƏSMİ

Serblər Kosovo bayrağına görə cərimələndi - Qərar

Fransa-Türkiyə matçının ləğvini istədilər!

Kavani penalti üçün 1 milyon avronu rədd etdi