UEFA İsveç Futbol Federasiyasını (SvFF) cərimələyib.

Sportfm.az xəbər verir ki, buna Stokholmda sözügedən ölkənin yığması ilə Azərbaycan millisi arasında keçirilmiş AVRO-2024-ün seçmə mərhələ oyununda erməni azarkeşlərin təxribata cəhd etmələri səbəb olub.

"Friends Arena"dakı matçın gedişində İsveçdə yaşayan erməni fanatlar separatçı qruplaşmaların bayrağını qaldırmağa çalışsalar da, bunun qarşısı dərhal yerli polis tərəfindən alınıb. Yaranan kiçik çaxnaşmaya baxmayaraq, təxribatçılar hadisə yerindən uzaqlaşdırılıblar.

Məsələni araşdıran UEFA təxribat xarakterli siyasi mesajlara görə SvFF-yə 5 000 avro cərimə kəsib.

Qeyd edək ki, İsveç - Azərbaycan oyunu meydan sahiblərinin 5:0 hesablı qələbəsi ilə başa çatıb.

Oxşar xəbərlər

Serblər Kosovo bayrağına görə cərimələndi - Qərar

UEFA "Qarabağ"la oyuna görə "Marsel"i cərimələdi - Təxribat

İngiltərə Futbol Assosiasiyası cərimələndi - AVRO-2020

UEFA-dan “Qarabağ”ın matçına xüsusi təyinat

AFFA-dan UEFA-ya müraciət - Xüsusi diqqət və həssaslıq tələb etdi