Azərbaycanın üçqat dünya və Avropa çempionu Hacı Əliyevin Qazaxıstanın paytaxtı Nur-Sultandakı mundialda rusiyalı Hacımurad Rəşidovla görüşdə aldığı qırmızı vərəqə ləğv edilib.

Sportfm.az xəbər verir ki, bu barədə Azərbaycan Güləş Federasiyasından məlumat verilib. 

Bildirilib ki, 65 kq çəkidə yarışan pəhləvan təsəlliverici görüşə qatılamaq imkanını saxlayıb.

Bu isə o deməkdir ki, diskvalifikasiyadan yayınan Əliyev bürünc medal görüşünədək irəliləsə, 2020-ci il Tokio Yay Olimpiya Oyunlarına vəsiqə əldə edəcək. Lakin bunun üçün ilk növbədə, Rəşidovun finala çıxması lazımdır.

Qeyd edək ki, Hacı Əliyevin Rəşidovla görüşündə qalmaqal baş verib. İlk hissədə Əliyev hesabda geri düşsə də, ikinci yarıda vəziyyəti öz xeyrinə dəyişib - 2:1. Lakin sona doğru Rəşidov önə çıxıb - 3:2. Bununla belə, Əliyev axırıncı saniyələrdə 2 xallıq fənd işlədib. Hakimlər əvvəlcə bu xalı qeydə alıb və azərbaycanlı pəhləvan yenidən irəli çıxıb - 4:3. Lakin Rusiya tərəfi qərara etiraz edib. "Çelenc"ə baxıldıqdan sonra onların etirazı qəbul edilib. Nəticədə Əliyevin 2 xalı silinib, rəqibinə 1 xal verilib. Beləliklə, Rəşidov qalib elan olunub - 4:2.

Qərardan narazı qalan Əliyev qırmızı vərəqəni hakimlərə tərəf göstərib. Ona isə hakim qırmızı vərəqə verib. Əliyev daha sonra hakimlərin üzərinə getmək istəyib. İşə yerli polisrlər qarışıb. Yalnız bundan sonra üçqat dünya çempionu çölə çıxıb.

Oxşar xəbərlər

"Hacı Əliyev məni bilərəkdən zədələmədi" - Rusiyalı güləşçi

Hacı Əliyev 1/4 finala yüksəldi - Dünya çempionundan intiqamını aldı

Dörd hakim qovuldu

Güləşçimiz dünya çempionatından qalmaqalla ayrıldı - VİDEO

Üçqat dünya çempionu olan güləşçimiz: "Hədəf Olimpiya çempionluğudur" - VİDEO