Azərbaycanın titullu sərbəst güləşçisi Hacı Əliyev Serbiyanın paytaxtı Belqradda keçirilən Fərdi Dünya Kubokunda 1/4 finala yüksəlib.

Sportfm.az xəbər verir ki, 3 qat dünya və 3 qat Avropa çempionumuz 1/8 finalda rusiyalı dünya çempionu Hacımurad Rəşidovu məğlub edib.

Əliyev 2-ci dəqiqənin sonunda rəqibinə fənn tətbiq edib və 4:0 önə keçib. Həmin vaxt Rəşidov zədələnib və görüşə davam edə bilmədiyi üçün azərbaycanlı pəhləvan növbəti mərhələyə vəsiqə qazanıb.

Qeyd edək ki, bu rəqiblərin 2019-cu ildə Qazaxıstanın paytaxtı Astanada keçirilmiş dünya çempionatındakı görüşü qalmaqalla yekunlaşmışdı. Əliyev qəsdən uduzdurulduğunu iddia edərək hakimlərdən narazılığını onlara qırmızı vərəqə göstərməklə nümayiş etdirmişdi.

Oxşar xəbərlər

Hacı Əliyev yarımfinala yüksəldi - Dünya çempionatı

Hacı Əliyev medal almaqdan imtina etdi - Fərdi Dünya Kuboku

Hacı Əliyev mübarizəyə başlayır - Dünya Kuboku

Hacı Əliyevin qırmızı vərəqəsi ləğv edildi

Güləşçimiz dünya çempionatından qalmaqalla ayrıldı - VİDEO