"Neftçi"nin Avropa Liqasının II təsnifat mərhələsindəki potensial rəqibi "Arsenal" yeni transferini qeyri-adi üsulla təqdim edib.

Sportfm.az xəbər verir ki, Tula təmsilçisi yeni oyunçusunun şəklini sosial şəbəkədəki rəsmi səhifəsində qocalma effektindən istifadə edərək yayımlayıb.

Fotodakı "qoca"nın müdafiəçi Aleksandr Dovbnya olduğunu ehtimal olunur. 

Qeyd edək ki, Avropa Liqasının 1-ci təsnifat mərhələsinin ilk oyununda səfərdə Moldova "Speranta"sını 3:0 hesabı ilə məğlub edən "Neftçi" rəqibini keçsə, növbəti raundda "Arsenal"la qarşılaşacaq. "Neftçi" ilə "Sperantsa" arasında cavab matçı iyulun 18-də "Bakcell Arena"da keçiriləcək.